दुई महिनादेखिको आमहडतालका कारण निकै असहज रहेको कपिलवस्तुको दक्षिणी भेगको जनजीवन सामान्य बन्न थालेको छ ।

आन्दोलनरत संयुक्त लोकतान्त्रिक मधेशी मोर्चाले २७ असोज राति प्रेस विज्ञप्ति जारी गर्दै जिल्लाका बजार र छोटो दुरीका सवारी साधान सञ्चालन गर्न दिने बताएपछि यहाँको जनजीवन सहज हुँदै गएको हो ।

विज्ञप्तिमा दशै, दिपावली, छठ र मुस्लिम समुदायको मोहर्रमलाई ध्यानमा राखी वन्द खुला गर्ने निर्णय गरिएको मोर्चाका जिल्ला संयोजक सतीश कुमार गुप्ताले बताए ।

मोर्चाले राजमार्ग र भन्सार नाकामा भने हड्ताल कायमै रहेको जनाएको छ । राजमार्ग क्षेत्रमा भने यस अघि देखि नै बन्दको प्रभाव परेको छैन ।

आज विहानै देखि तौलिहवा, कृष्णनगर, चन्द्रौटा, मर्जादपुर, महाराजगंज लगायतका वन्द रहेका बजारहरु खुलेका छन् भने सरकारी कार्यालयहरुमा सेवाग्राहीहरुको उपस्थिति पनि बढेको छ ।
गोपाल भण्डारी, कपिलवस्तु

प्रतिकृया दिनुहोस