कर्णाली नदीमा र्‍याफ्टिङ बोट पल्टिँदा २ जनाको मृत्यु भएको छ भने एक जना बेपत्ता भएका छन् ।

बर्दिया र कैलालीको सीमानामा पर्ने पाताभार–७ सर्खोलमटेरा नजिकै कर्णाली नदीमा ९ कात्तिक दिउँसो र्‍याफ्टिङ बोट पल्टिँदा कैलाली लम्की नगरपालिका २ की ६० वर्षीया बल्छिमा पाण्डे, २ वर्षीया यशोदा पाण्डेको ज्यान गएको र १२ वर्षीय दिपेश पाण्डे बेपत्ता भएको बर्दियाका डिएसपी नेत्रमणी गिरीले जानकारी दिए ।

दुर्घटनामा परेका अन्य १२ जनाको ईलाका प्रहरी कार्यालय पाताभार प्रहरी र स्थानीयवासीले उद्धार गरेका छन् ।

कर्णाली चिसापानी पुलबाट रमेलाकोट तर्फ जाँदै गरेको र्याफ्टिङ्ग बोट हिँजो दिउसो तीन बजे पल्टिएको हो । बेपत्ता रहेका पाण्डेको खोजी भइरहेको प्रहरीले जनाएको छ ।

यसक्षेत्रमा र्‍याफ्टिङ बोट यातायातको साधनको रुपमा प्रयोग हुँदै आएको छ ।
भावुक योगी, बर्दिया

प्रतिकृया दिनुहोस