आईसिसि टी–२० विश्वकपको पहिलो सेमिफाइनल इङग्ल्याण्ड र न्यूजिल्याण्डबीच प्रतिस्पर्धा हुँदैछ । नेपाली समय अनुसार आज साँझ सात १५ मा शुरु हुने खेलका लागि स्थान तोकिएको छ–नयाँ दिल्लीस्थित कोटला स्टेडियम ।

स्न २०१० को टी–२० विश्वकप विजेता इङग्ल्याण्ड र समूह चरणको एक मात्र अपराजित टीम न्यूजिल्याण्ड दुबैले आ–आफ्नो रणनीति तय गरिसकेका छन् । सुपर–१० मा इङ्गल्याण्ड ‘समूह १’ को उपविजेता तथा न्यूजिल्याण्ड ‘समूह २’ विजेताको रुपमा सेमिफाइनल प्रवेश गरेको हो ।

न्यूजिल्याण्डले समूह चरणको खेलमा बंगलादेशलाई ७५, पाकिस्तानलाई २२, अष्ट्रेलियालाई ८ र इण्डियालाई ४७ रनले पराजित गरेको थियो ।

समूह चरणमा ६ अंक जोडेको इङ्गल्याण्डले श्रीलंका, अफगानिस्तान र साउथ अफ्रिकालाई पराजित गरेको थियो । उसलाई वेस्ट इन्डिजले भने ६ विकेट हरायो ।

विगतमा भएका १३ टी–२० भेटमा न्यूजिल्याण्डले १० वटा जित निकालेको छ । २००८ यता लगातार ६ प्रतियोगितामा इङ्ग्ल्याण्डमाथि न्यूजिल्याण्डले जित हासिल गरेको छ ।

आईसिसि टी–२० र्याङकिङमा न्यूजिल्याण्ड २ र इङग्ल्याण्ड ५ नम्बरमा छ । ओडिआई र्याङकिङमा पनि न्यूजिल्याण्ड २ र इङग्ल्याण्ड ६ औं स्थानमा छ ।

टेस्ट र्याकिङमा भने इङग्ल्याण्ड अगाडि छ । इङग्ल्याण्ड ५ र न्यूजिल्याण्ड ६ स्थानमा छ ।

इङग्ल्याण्ड (संभावित)
१ ज्यासन रोय
२ एलेक्स हल्स
३ जोय रुट
४ जोस बटलर
५ ईयान मोर्गन (कप्तान)
६ बेन स्टोक्स्
७ मोइन अली
८ अदिल रशिद
९ क्रिस जोर्डन
१० डेभिड विली
११ लियाम प्लङकेट

न्यूजिल्याण्ड (संभावित)
१ मार्टिन गप्टील
२ केन विलियम्सन (कप्तान)
३ कलिन मुनरो
४ कोरी एन्डरसन
५ रस टेलर
६ ग्रान्ट इलीयट
७ लुक रन्ची
८ मिचेल स्यान्टनेर्
९ एडम मिल्ने
१० ईस सोधी
११ मिचेल म्याक्लेनघान

प्रतिकृया दिनुहोस