जाजरकोटको स्याउली–भुर सडक खण्डः तस्वीर राजेन्द्र कार्की

मध्यपहाडी लोकमार्ग अन्तर्गत जाजरकोट खण्डको ट्रयाक निर्माण कार्य शुरु भएको ६ बर्षसम्म पनि निर्माण कम्पनी र आयोजनाको लापरबाहीले अलपत्र छ ।

सँगै शुरु भएको रुकुम र दैलेख खण्डको निर्माण पूरा भइसकेको छ तर, शुरु भएको दुई वर्षमा सम्पन्न गर्ने सम्झौता गरेको निर्माण कम्पनीले निर्माण कार्य अलपत्र छोडेको छ ।

जिल्लाको कुदुदेखि दैलेखको सुयाडा सम्मको ८२ किलोमीटर सडक अन्तरगत पर्ने कार्कीगाउ र झाप्राको सिमाना, थलहबजार आसपास, जगतीपुरको चौखेढुंगा, दशेराको जेवा लगाएत स्थानमा निर्माण कार्य अलपत्र परेको हो ।

कार्कीगाउ र झाप्राको सिमानामा पर्ने २ किलोमीटर ट्रयाक खोलिएकै छैन । उक्त खण्डको निर्माण जिम्मा लिएको धनन्जय सिद्धार्थ जेभीले जमिनमा कडा चट्टान रहेको भन्दै काम नगरेको डिभीजन ईन्जिनियर नारायण प्रसाद निउरेले बताए ।

जगतीपुर–कार्कीगाउ खण्डको रौताह कन्स्ट्रक्सन र धनन्जय नान्जीला एण्ड आकांक्षा जेभीले पनि त्यसै छोडेको छ ।

सडक निर्माण रोकिएपछि दुई वर्षभित्रै यातायात संचालन गर्ने सरकारी लक्ष्य पनि अलपत्र परेकोे छ ।

काम नगर्ने व्यवसायीलाई कारवाही गर्नुपर्ने नागरिक समाज जिल्ला समन्वय समितिका संयोजक राजेन्द्रविक्रम शाहले बताए ।

आयोजनाले जाजरकोट खण्डको निर्माणमा ८० करोड बढी रकम खर्च गरि सकेको छ ।
राजेन्द्र कार्की, जाजरकोट

प्रतिकृया दिनुहोस