भारतीय टेलिभिजन च्यानल कलर्सबाट प्रसारण हुने ‘कमेडी नाइट्स वीथ कपिल’ मार्फत चर्चामा आएका कमेडियन कपिल शर्माले अष्ट्रेलियामा आयोजित एक कार्यक्रममा सगरमाथा भारतमा रहेको बताएका थिए ।

उनले भनेका थिए, “विदेशमा मानिसहरु इंग्लिश च्यानल पौडेर पार गर्छन र चर्चामा आउँछन । विदेशबाट कोही आउँछ र हाम्रो हिमालयको शिखर माउन्ट एभरेष्टमा चढ्छ । जबकी माउण्ट एभरेष्ट हाम्रै घरमा छ र पनि हामी चढ्दैनौं । अल्छि गर्छौं । यो त घरकै कुरा हो भन्ने ठान्छौं । खाई वरी चढौंला, यो कहाँ पग्लिएर सकिंदैछ र !”

यो भनाई पछि कपिल शर्माको नेपाली प्रशंसकहरु माझ आलोचना भएको थियो । सामाजिक सञ्जालमा पनि उनको निकै विरोध भएको थियो ।
त्यसपछि कपिलले ट्विटरमा लेखे, “मैले आफ्नो शोमा माउण्ट एभरेष्टलाई भारतको भाग भनें । आफ्नो यो गल्तीका लागि म सबै नेपालीहरुसँग माफी माग्छु ।”

बीबीसी हिन्दीबाट साभार

प्रतिकृया दिनुहोस