तस्वीर: युवराज श्रेष्ठ/हिमालखबर

दक्षिणपश्चिमी लमजुङमा बस दुर्घटना हुँदा ९ जनाको मृत्यु भएको छ भने १२ जना घाइते भएका छन् ।

मध्यनेपाल नगरपालिका अन्तर्गत तान्द्राङटक्सार र जिताको सीमामा पर्ने तारेभीरमा यात्रुबाहक बस आज ५ जेठ साँझ दुर्घटना हुँदा ९ जना यात्रुको घटनास्थलमै मृत्यु भएको र कम्तिमा १२ जना यात्रु घाईते भएको प्रहरी चौकी सोतिपसलका प्रमुख असई जितबहादुर थापाले जानकारी दिए ।

बसमा कतिजना यात्रु चढेका थिए भन्ने बारे अझै एकिन हुन नसकेको र घाईतेको अवस्था चिन्ताजनक रहेको उनले बताए ।

दुर्घटनामा मृत्यु भएकाहरुको अझै पहिचान हुन नसकेको प्रहरीले जनाएको छ ।

तनहुँको सदरमुकाम दमौलीबाट जिताकोट जाँदै गरेको ना ६ ख ४१३६ नम्बरको उक्त सवारी साधान भीरबाट झण्डै ३ सय मिटर तल खसेको प्रत्यक्षदर्शीले बताएका छन् ।

घटनास्थलमा घाईतेको उद्धार गर्न पुगेका स्थानीय रामनाथ पौडेलका अनुसार बस पुर्ण रुपमा क्षतिग्रस्त बनेको छ ।

उक्त सवारी सहचालकले चलाएका कारण दुर्घटना भएको घाईते यात्रुले बताएका छन् । चालक सुरज बिक फरार भएका छन् ।
युवराज श्रेष्ठ, लमजुङ

प्रतिकृया दिनुहोस