सशस्त्र प्रहरी बलले सेवा अवधि दुई वर्षभन्दा कम रहेका उपरीक्षकदेखि तल्लो तहका प्रहरीलाई घर व्यवहार मिलाउन सजिलो होस् भन्ने अभिप्रायले घरपायक सरुवा गर्ने व्यवस्था गरेको छ ।

बलले सशस्त्र प्रहरी उपरीक्षकदेखि तल्लो तहसम्मका आफ्ना सवै राष्ट्रसेवकलाई उसको सेवा समाप्तिको पछिल्लो समयमा सम्भव भएसम्म चाहेको घरपायक जिल्लामा सरुवा गरिदिने नयाँ व्यवस्था गरेको हो ।

अनिवार्य अवकाश हुन लागेकालाई चाहेको जिल्ला वा क्षेत्रमा सरुवा मिलाउँदा सेवाको सिलसिलामा लामो अवधिसम्म घरबाहिर रहेका प्रहरीलाई घर व्यवहार मिलाउन सजिलो हुने विश्वासका साथ आफ्नो कल्याणकारी कार्यअन्तर्गत यो नयाँ व्यवस्था गरेको बलले जनाएको छ ।
रासस

प्रतिकृया दिनुहोस