रुकुमको चौखाबाङमा एक साताअघि देखिएको फ्लू नियन्त्रणमा आएको छ ।

गत साता मात्र रुकुमको चौखाबाङ– ५ हिलमा ८० जनालाई फूलुको संक्रमण भएको पाइएको थियो ।

जिल्ला स्वास्थ्य कार्यालय बाट गएको टोलीले उपचार गरेपछि अहिले त्यस क्षेत्रका वासिन्दाको स्वास्थ्यस्थिति सामान्य बनेको छ ।

जाजरकोट सीमामा हेल्पडेस्क
जाजरकोटमा फैलिएको फ्लूका बिरामीहरु सिमा जोडिएको रुकुममा भित्रन नदिन जाजरकोट र रुकुमको सिमानामा रहेका आठविसकोटको राडी बजार, गरायलाको रिम्ना बजार र खाराको झुल्नेटा बजारमा प्रहरी र स्वास्थ्यकर्मीको हेल्प डेस्क स्थापना गरिएको जिल्ला प्रशासन कार्यालय रुकुमले जनाएको छ ।

यी नाकाहरुमा जिल्लामा आउजाउ गर्नेहरुकोे स्वास्थ्य जाँच गरिएको छ । साथै उक्त ठाउँमा आवश्यक औषधि र स्वास्थ्यकर्मीको टोली पनि खटाएको छ ।

लक्ष्मण केसी, रुकुम

प्रतिकृया दिनुहोस