गत शनिबारदेखि गएको विनाशकारी भूकम्पको धक्का बिस्तारै कम हुँदै गइरहेको छ ।

भूकम्पको धक्कका महशुस भइरहे पनि कम तिब्रताका भूकम्प आएको र त्यस्तोबाट आत्तिन नपर्ने राष्ट्रिय भूकम्प मापन केन्द्रले जनाएको छ ।

आज बिहान (२२ वैशाख) ६:४९ बजे नुवाकोट र धादिङ केन्द्र भई ४.४ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ । २१ वैशाखमा चार रेक्टर स्केलभन्दा माथिका नौवटा भूकम्प गएको थियो ।

यससँगै गत शनिबारदेखि हालसम्म चार रेक्टर स्केलभन्दा माथिका १४२ वटा भूकम्पको धक्का महसुस गरिएको र तुलनात्मक रूपमा भूकम्पका धक्का बिस्तारै कम हुँदै गइरहेको केन्द्रका प्रमुख लोकविजय अधिकारीले जानकारी दिए ।

उनका अनुसार भूकम्पको धक्का तुलनात्मक रूपमा न्यून हुँदै गएको छ । ६ रेक्टर स्केलभन्दा मुनिका भूकम्पले कुनै असर नगर्ने भएकाले ससाना धक्का आउँदा आत्तिनुपर्ने अवस्था छैन ।

ठूलो रेक्टर स्केलको भूकम्प आएको हुनाले ससाना धक्का महिनौसम्म जान सक्छ । स–साना भूकम्प गइरहँदा ठूलो भूकम्प जान पाउँदैन ।

प्रतिकृया दिनुहोस