तस्वीर: देविका घर्ती

अनैतिक कार्य गरेको भन्दै दाङको सतवरियाकी  एक महिलामाथि स्थानीय महिलाहरुको समूहले नै अमानवीय व्यवहार गरेको छ ।

सतवरिया–२ बनघुस्रीकी भागिरथी चौधरीलाई परपुरुषसँग सम्बन्ध राखेको आरोप लगाउँदै स्थानीय महिलाहरुको समूहले गाउँ–समाजको निर्णयअनुसार भनी कपाल काटी, अनुहारमा मोसो दलेर गाउँ घुमाएको छ ।

गाउँलेहरुले छिमेकी पुरुषसँग अनैतिक सम्बन्ध राखेको आरोप लगाउँदै कारवाही गरिएको बताएका छन् । ति महिलासँग यौनसम्बन्ध रहेको भनिएका व्यक्तिले केही समयअगाडी आत्महत्या गरेका थिए । गाउँलेहरूले आत्महत्यामा पनि भागिरथीकै हात रहेको आरोप लगाउँदै आएका छन् ।

आत्महत्या गरेका व्यक्तिका परिवारलाई क्षतिपूर्तिस्वरुप २५ हजार रुपैयाँ दिनुपर्ने निर्णय सुनाएका गाउँलेले अहिले त्यो रकम बढाएर ५० हजार पु¥याएको गाउँका अगुवामध्येका शालिकराम चौधरीले बताए ।

चार पक्राउ
यसैबीच प्रहरीले महिलासँग दुव्र्यवहार गरेको आरोपमा ४ जनालाई पक्राउ गरेको छ । पीडितले दिएको बयान अनुसार ६ जनाको पहिचान भए पनि ४ जनालाई पक्राउ गरिएको पैहरीले जनाएको छ ।

पक्राउ पर्नेहरुमा सितारामी चौधरी, पानमती चौधरी, हिरामती चौधरी, जानकी चौधरी रहेको वडा प्रहरी कार्यालय लमहीका प्रमुख लक्षमणबहादुर शाहीले जानकारी दिए ।

पीडित महिलालाई प्रहरीको संरक्षणमा राखिएको छ भने आरोपीहरुलाई सार्वजनिक ऐन अन्तर्गतको मुद्दा दर्ता गरी कार्वाही अगाडि बढाउने प्रहरीको भनाई छ ।

देविका घर्ती मगर, दाङ

प्रतिकृया दिनुहोस