सेवा अवधि पूरा गरेका प्रमुख निर्वाचन आयुक्त उप्रेतीले २२ कार्तिकमा स्वतः अवकाश पाएपछि प्रमुख निर्वाचन आयुक्तको जिम्मेवारी अहिले वरिष्ठताका आधारमा आयोगका आयुक्त दोलखबहादुर गुरुङले पाएका छन् ।

निर्वाचन आयोगमा एक प्रमुख निर्वाचन आयुक्त र चारजना आयुक्त रहनुपर्ने संविधानले ब्यवस्था गरेपनि ब्यवस्थापिका संसद नहुँदा नयाँ नियुक्ति हुन सकेको छैन । अब आयोगमा एक कार्यवाहक प्रमुख निर्वाचन आयुक्त र अर्का आयुक्त अयोधीप्रसाद यादवमात्र बाँकी छन् । उनीहरु दुवैजनाको कार्यावधि पनि पुससम्म मात्रै हो ।

निर्वाचन आयोगका प्रवक्ता शारदाप्रसाद त्रितालले आयुक्त गुरुङले २३ कार्तिकदेखि कार्यवाहक प्रमुख निर्वाचन आयुक्तको जिम्मेवारी सम्हाल्ने बताए ।

प्रवक्ता त्रितालका अनुसार संवैधानिक निकायका पदाधिकारीहरुको पारिश्रमिक सेवा र्सतका बारेमा व्यवस्था गर्न बनेको ऐन, २०५३ ले वरिष्ठताका आधारमा भनेकाले गुरुङले जिम्मेवारी सम्हाल्ने भएका हुन् ।

विसं २०६६ जेठमा प्रमुख निर्वाचन आयुक्त भोजराज पोखरेलले अवकाश लिएपछि उप्रेती कार्यवाहक प्रमुख बनेका थिए ।

प्रतिकृया दिनुहोस