पर्साको सुर्जाहामा १ लाख ३१ हजार नक्कली नोट सहित शिक्षक पक्राउ परेका छन् ।

सूर्जाहास्थित संसारीमाई निमाविका शिक्षक रामानन्द प्रसाद कुर्मी पाँच सय दरका २६२ थान नेपाली नक्कली नोट सहित पक्राउ परेको पर्साका प्रहरी उपरीक्षक दिवेश लोहनीले जानकारी दिए ।

पर्साको रानीगंज रहरीयाबाट सूर्जाहास्थित विद्यालयमा पढाउन हिडेका शिक्षक कुर्मीलाई प्रहरीले बीच बाटोबाटै नक्कली नोट सहित पक्रेको थियो ।

कुर्मीलाइ थप अनुसन्धानका लागि जिल्ला प्रहरी कार्यालय पर्साको हिरासतमा राखिएको छ । स्थानीयवासीले भने शिक्षक कुर्मीलाई प्रहरीले फसाएको आरोप लगाएका छन् ।
सुरेश बिडारी, वीरगञ्ज

प्रतिकृया दिनुहोस