२३ कार्तिकमा नेपाली कांग्रेस केन्द्रीय कार्यालयमा बस्ने बैठकमा  नेपाली काङ्ग्रेस, नेकपा एमाले, नेकपा माले, राप्रपालगायतका दलहरू सहभागी हुने कांग्रेस प्रवक्ता दिलेन्द्र प्रसाद बडुले जानकारी दिए ।

बैठकमा सहमतिविनाको बजेट अस्वीकार गर्न राष्ट्रपतिलाई बुझाइने लिखितपत्र अनुमोदन गर्ने बारे पनि छलफल हुने उनले बताए । यसअघि २२ कार्तिकमा बसेको प्रतिपक्षी दलहरूको संयुक्त कार्यदलको बैठकले राष्ट्रपतिलाई बुझाइने लिखितपत्रको मस्यौदा तयार गरिसकेको छ ।

यसैगरी तिहारलगत्तै गर्ने आन्दोलनको तयारी बारे पनि छलफल हुने नेताहरूले बताएका छन् । सरकारले सहमतिविना पूर्ण बजेटको तयारी थालेपछि प्रतिपक्षी दलहरू जसरी पनि त्यसलाई रोक्ने अभियानमा जुटेका छन् । सहमतीय सरकार गठनपछि मात्रै बजेट ल्याउनुपर्ने उनीहरूको अडान छ ।
सरकारले भने यही कात्तिक महिनाभित्र सहमति भए पनि नभए पनि बजेट ल्याउने तयारी थालेको छ ।

प्रतिकृया दिनुहोस