२३ कार्तिकमा जनकपुरमा आयोजित पत्रकार सम्मेलनमा अध्यक्ष यादवले पर्व सकिए लगत्तै सरकार हटाउन आन्दोलन गर्ने भन्दै प्रधानमन्त्री बाबुराम भट्टराई आफैं सत्ताबाट बाहिरिए बेस हुने बताए ।

उनले संसद नभएका बेला सबै दलहरुको सहमतिमा मात्रै बजेट ल्याउनु पर्ने भन्दै सरकारले एकलौटी अध्यादेश मार्फत बजेट ल्याउन नमिल्ने र यदि त्यसो गरेमा राष्ट्रपतिले अस्वीकार गर्नुपर्नेमा जोड दिए ।

“अध्यादेशबाट राष्ट्र सञ्चालन गर्न खोज्नु लोकतन्त्रको घाँटी निमोठ्नु सरह हो,” यादवले भने, “पूर्ण बजेट ल्याउन सबै राजनीतिक शक्तिबीच सहमति हुनु जरुरी छ ।”

फोरम अध्यक्ष यादवले तीन प्रमुख दलहरुले सत्ता केन्द्रित राजनीति गरिरहेको आरोप लगाउँदै  स्वतन्त्र व्यक्तिको नेतृत्वमा चुनावी सरकार गठन हुनुपर्ने धारणा व्यक्त गरे ।

एक अर्को प्रसंगमा उनले राष्ट्रपतिले कु गर्ने भन्ने हल्लामात्रै भएको भन्दै नेपालमा त्यो असम्भव भएको बताएका थिए ।

प्रतिकृया दिनुहोस