संविधानसभामा पेस भएको ‘संविधानको प्रारम्भिक मस्यौदा प्रतिवेदन, २०७२’ जनताको प्रतिक्रियाका लिन एका साताका लागि जनतामा लगिने भएको छ ।

नेपाली कांग्रेसका सभासद रमेश लेखकका अनुसार पेस भएको मस्यौदा करिब एक साता जनताको प्रतिक्रियाका लागि जनतामा लगिने र पुनः संविधानसभामार्फत संवाद समितिमा फर्काइने छ ।

जनताको प्रतिक्रियासहित संविधानसभामा पेस गरिने मस्यौदामाथि छलफल भएपछि पुनःमस्यौदा समितिमा जानेछ ।
मस्यौदा समितिले त्यसलाई संविधानको मस्यौदाका रुपमा तयार गरी पुनःसंविधानसभामा पेस गर्नेछ ।

सभामा प्रस्तुत संविधानको विधेयकमाथि दफावार छलफल भई पारित भएपछि नयाँ संविधान घोषणा हुनेछ ।

यी सबै प्रक्रिया द्रुत हिसाबले अघि बढाइने र यसका लागि करिब बढीमा २५ दिन लाग्ने अनुमान गरिएको छ ।

प्रतिकृया दिनुहोस