२४ कार्तिकमा प्रेस चौतारी नुवाकोटले सदरमुकाम विदुरमा आयोजना गरेको कार्यक्रममा बोल्दै नेता नेपालले अहिलेको सरकारले ल्याउने तयारी गरेको बजेट अध्यादेश राष्ट्रपतिले कुनै हालतमा पनि स्वीकृत गर्न नहुने बताए ।

उनले एकीकृत माओवादीले बजेट अध्यादेश स्वीकृत गराउन राष्ट्रपतिलाई धम्क्याएको भन्दै त्यस्तो धम्कीबाट राष्ट्रपति विचलित नहुने पनि बताए ।

“एमाओवादीले पार्टी प्रवक्ता र मन्त्रीहरुलाई जथाभावी बोल्न लगाएर राष्ट्रपतिको अपमान गरेको छ,” नेता नेपालले भने, “माओवादीका नेता र मन्त्रीहरु पदीय मर्यादाभन्दा बाहिर गएका छन् ।”

अहिले सरकारले ल्याउने तयारी गरेको बजेट अध्यादेश स्वीकृत भए लोकतन्त्र नै समाप्त हुने पनि नेता नेपालले बताएका थिए ।

प्रतिकृया दिनुहोस