नयाँ संविधानमाथि जनताले दिएको सुझाव अध्ययन गर्न कार्यदल गठन गर्ने दलहरुबीच सहमति भएको छ ।

संवैधानिक–राजनीतिक सम्वाद तथा सहमति समितिका सभापति बाबुराम भट्टराईको संयोजकत्वमा शीर्ष नेता सम्मिलित कार्य दल गठन गर्ने सहमति भएको एमाओवादीका प्रमुख सचेतक गिरिराजमणि पोखरेलले बताए ।

सभाध्यक्ष सुवास नेम्वाङको संलग्नतामा बसेको शीर्ष नेताहरुको बैठकले सुझाव अध्ययन गर्न कार्यदल गठन गर्ने सहमति जुटाएको हो । नागरिक सम्बन्ध तथा संविधान सुझाव संकलन समितिले संकलन गरेको सुझावमाथि १४ साउनबाट सम्वाद समितिमा छलफल शुरु भएको छ ।

१३ साउनमा बसेको संविधानसभा बैठकले प्रारम्भिक मस्यौदामा सुझाव समेट्न भन्दै सम्वाद समितिमा प्रतिवेदन पठाएको छ ।

प्रतिकृया दिनुहोस