नेकपा एमालेका बरिष्ठ नेता माधवकुमार नेपालले अधिकतम दलहरुको सहमतिमा संविधान ल्याउने तयारी भइरहेको बताएका छन् ।

अमेरिकी राजदूत पिटर डब्लु बोडीसँगको भेटबार्तामा नेपालले भने, “जनताको सुझावसहित अधिकतम दलहरुको सहमतिमा संविधान ल्याउने तयारी भइरहेको छ ।” बोडेले कोटेश्वरस्थित नेता नेपालको निवास पुगेर भेट गरेका थिए ।

संविधान जारी गरेर तत्काल स्थानीय निकायको निर्वाचन गरिने नेता नेपालले बताए । उनले भने, “संविधान जारी गर्दै पुनःनिर्माण गर्नेतिर दलहरु लाग्नेछ, स्थानीय निर्वाचन पनि चाँडै हुन्छ ।”

प्रतिकृया दिनुहोस