रुपन्देहीको पर्रोहास्थित सैनामैना खानेपानी तथा सरसफाइ आयोजनाअन्तर्गतको ओभरहेड ट्याङ्की शिलान्यास गर्दै २७ कात्तिकमा प्रधानमन्त्री भट्टराईले पूर्ण आकारको बजेट समयमै नआउँदा देशको सम्पूर्ण आर्थिक तथा विकास गतिविधि ठप्प भएको बताए । उनले सरकार अझै पनि बजेटमा सहमति जुटाएर पूर्ण आकारको बजेट ल्याउने पक्षमा रहेको स्पष्ट पारे ।

विगतका सशस्त्र द्वन्द्व, जनआन्दोलन र मधेस आन्दोलनका उपलब्धिलाई संविधानसभामार्फत संस्थागत गर्ने कार्यमा महत्वपूर्ण उपलब्धि हासिल हुन नसके पनि सेना समायोजन गरेर शान्ति प्रक्रियामा टुङ्ग्याउने जस्तो महत्वपूर्ण उपलब्धि हासिल भएको भट्टराईले उल्लेख गरे । उनले अब पनि संविधान निर्माणका लागि सहमतिमार्फत नै अगाडि बढ्नुपर्नेमा जोड दिँदै छिट्टै नै सहमति गरेर संविधान जारी गर्ने प्रतिबद्धता जनाए ।

प्रतिकृया दिनुहोस