एकीकृत कर्णाली प्रदेशको माग गर्दै जुम्ला सदरमुकाम खलंगामा जारी प्रदर्शनलाई नियन्त्रणमा लिन बाँकेबाट थप सशस्त्र प्रहरी जुम्ला गएको छ ।

बाँकेको कोहलपुरस्थित सशस्त्र प्रहरी बल त्रिपुरा गणबाट १२० जना सशस्त्र प्रहरी जुम्ला पठाइएको त्रिपुरा गण एसपी रमेश सुवेदीले जानकारी दिए ।

नेपाली सेनाको हेलिकप्टरबाट उनीहरु जुम्लातर्फ लागेका हुन् ।

जुम्लामा आन्दोलनकारीहरुले नेपाली कांग्रेस, एमाले, एमाओवादीका जिल्ला पार्टी कार्यालयमा तोडफोड गरेका छन् ।

आन्दोलनकारीहरु सदरमुकाम खलंगामा बढदै गएपछि स्थिति नियन्त्रणमा लिन हम्मेहम्मे परेको स्थानीय प्रशासनले बाँकेबाट सशस्त्र प्रहरी मगाएको थियो ।
शब्द/तस्वीरः केशव राना, बाँके

प्रतिकृया दिनुहोस