सुटिङ थाल्नुअघि रिहर्सल अर्थात् अभ्यास सामान्य हो। हामीकहाँ यस्ता अभ्यास स्टुडियोमा गरिन्छ। “सुटिङ स्पटमै रिहर्सल गर्दा अभिनयमा थप निखार आउँदो रहेछ”, अभिनेत्री बेनिशा हमालको अनुभव छ।

१६–२६ भदौमा हुने ७२औं भेनिस फिल्म फेस्टिभलमा छानिएको नेपाली चलचित्र कालो पोथी मा अभिनय गरेकी बेनिशाले चलचित्रको रिहर्सल मुगुका कार्कीवडा, किर्मी गाविसमा गरेकी थिइन्। स्पट–रिहर्सलले आफूलाई त्यहाँको भाषा, संस्कृति बुझ्न र कथामा भिज्न सघाएको उनले बताइन्।

मोक्ष चलचित्रबाट प्रशंसा बटुलेकी बेनिशाले कालो पोथी बाट धेरै आशा गरेकी छन्। निर्देशक मीनबहादुर भामका अनुसार यो चलचित्र मंसीर–पुसमा नेपाली दर्शकले हेर्न पाउने छन्।

प्रतिकृया दिनुहोस