तस्वीर: लक्ष्मण केसी

संघीयता लागू गर्दा  रुकुमलाई नटुक्र्याउन र प्रदेश नम्वर ५ मै राख्न माग गर्दै छैटौं दिन पनि रुकुममा प्रदर्शन भएको छ ।

रुकुमको पश्चिमी भाग टुक्र्याएर प्रस्तावित ६ नम्बर प्रदेशमा राखिएपछि २४ साउनबाट शुरु भएको आमहड्ताल कायमै राखेर नागरिकहरु आफूहरुलाई पाएक पर्ने प्रदेश ५ मा सिंगो रुकुमलाई राख्न माग गरिरहेका छन् ।

माग पुरा नभए सम्म आन्दोलन जारी रहने अखण्ड रुकुम संर्घष समितिले जनाएको छ ।

आम हडतालले रुकुमको खलंगा, बागबजार, सल्ले, मुसिकोट लगायतका बजारहरु ठप्प छन् ।

आन्दोलनलाई व्यवस्थित बनाउन संघर्ष समितिले १०१ सदस्यीय आन्दोलन परिचालन समिति पनि गठन गरेको छ ।

आमहडतालका क्रममा अहिलेसम्म कुनै हिंसात्मक घटना भने भएको छैन ।

लक्ष्मण केसी, रुकुम

प्रतिकृया दिनुहोस