बाँकेको नेपालगञ्ज कोहलपुर सडकखण्डमा २ भदौ राति एम्बुलेन्स र पत्रिका बोक्नेसहित ६ वटा गाडी तोडफोड भएका छन् ।

नेपालगञ्जबाट कोहलपुरतर्फ आउँदै गरेका बा १३ च ४१६१ नम्बरको बलेरो जिप, बा २ ख २०८७ नम्बरको हाइस, बा १ ख ४१०१ नम्बरको ट्रक, भे १ ज ४०१ नम्बरको म्याजिक भ्यान, भे १ च १६०२ नम्बरको एम्बुलेन्स र नागरिक दैनिक पत्रिका बोक्ने गाडी तोडफोड भएको कोहलपुर प्रहरीले जनाएको छ ।

तोडफोड गर्नेहरुले गाडिमा रहेका ४ जनामाथि कुटपिट गरी  घाइते बनाएका  छन् । गम्भीर घाइते डोल्पा, रिमी– ५ का २२ वर्षीय धनराज ऐरीलाई काठमाण्डौं पठाइएको छ । अन्य घाइतेहरु ललितपुर प्युठा– ८ का २५ वर्षीय नविन चापागाई, टिटिहिरिया–६ का ३२ वर्षीय माधवराम थारु र सुर्खेत मेहलकुना ३ की तारा नेपालीको शिक्षण अस्पताल कोहलपुरमा उपचार भैरहेको छ ।

तोडफोडमा संलग्न १८ जनालाई प्रहरीले पक्राउ गरेको छ ।

थरुहट प्रदेशको माग गर्दै आन्दोलन गरिरहेको संघर्ष समिति बाँके अध्यक्ष चन्द्रबहादुर थारुले तोडफोडमा आफूहरुको संलग्नता नरहेको दाबी गरेका छन् ।

उनले आन्दोलनलाई बद्नाम गराउन अरुकसैले तोडफोड गरेको हुन सक्ने बताए ।

थरुहट संघर्ष समितिले ४ भदौसम्म बाँकेमा आमहड्ताल आह्वान गरेको छ ।

केशव राना, बाँके

प्रतिकृया दिनुहोस