तस्बीरः बटुकनाथ झा, जनकपुर

स्थानीय व्यापारीले लक्ष्मीपूजाको दिन पसल सजाउन प्रयोग गरेको केराका बोटहरु चारदिनसम्म पनि सडकमा अलपत्र छोडेपछि सशस्त्र प्रहरीले बाध्य भएर नगरको सफाइ गरेको हो । जनकपुरमा पसल सजाउन करिब एक हजार टनभन्दा बढी केराका बोटको प्रयोग भएको थियो । तर काम सकिएपछि व्यापारीहरुले केराका बोटको उचित व्यवस्थान नगरी  सडकमै अलपत्र छोडेका थिए  भने नगरपालिकाले पनि त्यो फोहर उठाएन ।

नगरको फोहर उठाउने काम नगरपालिकाको भएपनि चार दिनसम्म फोहर नउठाउनुले नगरको सफाइप्रति नगरपालिका उदासीन रहेको शिवचोकका व्यापारी रामकुमार साहले बताए ।

एकाबिहानै सुरक्षाकर्मीले हातमा कुचो, कोदालो र बेल्चा लिएर नगरको सफाइमा जुटे पनि नगरपालिकाका कर्मचारीको भने त्यो सफाइमा सहभागिता देखिएन । नगरवासीले नगरपालिकाको यो लापर्वाहीप्रति औँला उठाएका छन् । बटुकनाथ झा, जनकपुर

प्रतिकृया दिनुहोस