तराई–मधेश लोकतान्त्रिक पार्टीका सहअध्यक्ष हृदयेश त्रिपाठीले प्रमुख तीन दलका नेताहरुले मधेशको माग सम्बोधन गर्ने प्रतिवद्धता जनाए वार्तामा बस्ने बताएका छन् ।

कांग्रेस नेताहरुसँगको भेटपछि त्रिपाठीले कांग्रेसले मात्रै नभई तीन दलले प्रतिवद्धता जनाउनुपर्ने बताए । उनले भने, “प्रमुख तीन दलका नेताहरुले प्रतिवद्धता जनाए वार्तामा बस्छौं ।”

कांग्रेसका नेताहरु तमलोपाका अध्यक्ष महन्थ ठाकुरको नीजि निवास सानोठिमी भक्तपुर पुगेका थिए । भेटका लागि कांग्रेस उपसभापति रामचन्द्र पौडेल, वनमन्त्री महेश आचार्य र केन्द्रिय सदस्य आनन्दप्रसाद ढुंगाना सानोठिमी पुगेका हुन् ।

भेटमा तमलोपाका अध्यक्ष ठाकुर, सहअध्यक्ष त्रिपाठी र नेता सर्वेन्द्रनाथ शुक्ल सहभागी थिए । रासस

प्रतिकृया दिनुहोस