१२ मंसीर बिहान कोइराला निवास महाराजगञ्जमा भएको कोइराला–गच्छदार भेटपछि संयुक्त लोकतान्त्रिक मधेशी मोर्चाका संयोजक समेत रहेका उपप्रधानमन्त्री गच्छदारले मधेशका केही मुद्दामा कांग्रेस स्पष्ट भए कोइरालाको नेतृत्व स्वीकार्न सकिने बताए ।

पत्रकारहरुसँग कुरा गर्दै गच्छदारले भने, “कोइराला त्यागी नेता भएकाले उहाँले सहमति जुटाउन सक्नुहुन्छ भने हाम्रो आपत्ति छैन ।” आफ्नो दल र मधेशी मोर्चाका तर्फबाट कोइरालालाई समर्थन गर्न सकिने गच्छदारको भनाई थियो ।

यसअघि ११ मंसीरमा कोइराला र तराई मधेश लोकतान्त्रिक पार्टीका अध्यक्ष महन्त ठाकूरबीच छलफल भएको थियो । भेटमा सभापति कोइरालाले सहमतिको सरकारका लागि कांग्रेसलाई सहयोग गर्न आग्रह गरेका थिए ।

यसैबीच आजै बिहान कांग्रेस सभापति कोइरालासँग नेपालका लागि अमेरिकी राजदुत पिटर बोडेले भेट गरेका छन् । भेटमा पछिल्लो राजनीतिक अवस्था र दलहरुबीच भएका चलिरहेका वार्ताका विषयमा छलफल भएको थियो ।

प्रतिकृया दिनुहोस