१५ मंसीर बिहान कांग्रेस सभापति कोइरालालाई भेटन महाराजगञ्ज पुगेका फोरम नेपालका अध्यक्ष यादवले सहमतीय सरकार गठनका लागि नेपाली कांग्रेसलाई सहयोग गर्ने जानकारी दिए । उनले भने, “सहमतिको सरकार गठनका लागि नेपाली कांग्रेससँग मिलेर जान एक मत भएका छौं ।”
राष्ट्रपति डाक्टर रामवरण यादवले सहमतिका लागि दोस्रो पटक एक साताको म्याद थपे लगत्तै नेपाली कांग्रेस र मधेसी जनअधिकार फोरम नेपालबीच सहमतीय सरकारमा मिलेर अघि बढ्ने सहमति भएको हो ।

भेटपछि सञ्चारकर्मीहरुसँग कुरा गर्दै अध्यक्ष यादवले कांग्रेस मधेशका मुद्दामा स्पष्ट भएको आफुले पाएको र सहकार्य गरेर अगाडि बढ्ने सहमति भएको जानकारी दिए । उनले वर्तमान सरकार रहेसम्म मुलुकको संकट समाधान नहुने बताए । भेटमा सहभागी कांग्रेस नेता दीपकुमार उपाध्यायले नेपाली कांग्रेस मधेशका बारेमा पहिलेदेखि नै स्पष्ट भएको बताउ“दै एकीकृत नकेपा माओवादीले कांग्रेसका बिरुद्धमा भ्रम फैलाएको आरोप लगाए ।

सभापति कोइरालाले सबैजसो मधेशी नेताहरुसँग सहमतीय सरकार गठनका बारेमा परामर्श गरिसकेका छन् । आफ्नै नेतृत्वमा सरकार गठनको प्रयासमा लागेका सभापति कोइरालाका लागि एमाओवादी अध्यक्ष पुष्पकमल दाहाल भने अहिलेसम्म तगारो भएका छन् ।

प्रतिकृया दिनुहोस