एमाओवादीका अध्यक्ष पुष्पकमल दाहालले माओवादी आन्दोलन पूर्ण रुपमा एकताबद्ध भएर अगाडि बढ्ने बताएका छन्।

केन्द्रीय कार्यालय पेरिसडाँडामा आयोजित प्रशिक्षण भेलालाई सम्बोधन गर्दै उनले सबै खाले बाधा व्यवधानलाई छिचोलेर अगाडि बढ्ने र जनताको भावनालाई सम्मान गर्दै जाने प्रतिबद्धता व्यक्त गरे ।

अध्यक्ष दाहालले माओवादी आन्दोलन कमजोर भएको भए शान्ति सम्झौता पनि नहुने बताउँदै भने, “माओवादी आन्दोलनको राप र तापले मात्रै मुलुक परिवर्तन भएको हो ।’’

मुलुकलाई नयाँ चरणमा पुर्‌याउन र आर्थिक समृद्धि सहित क्रान्तिको नेतृत्व गर्ने महत्वपूर्ण हतियार भनेकै शहीद, बेपत्ता योद्धा भएकाले त्यसलाई पार्टीले उचित सम्मान गर्ने बताए ।

प्रतिकृया दिनुहोस