२० मंसीर दिउँसो बसेको कांग्रेस केन्द्रीय समितिको बैठकमा सहमतीय सरकारको प्रधानमन्त्रीको उम्मेदवारका लागि कोइरालाको नाम उपसभापति रामचन्द्र पौडेलले प्रस्ताव गरेपछि वरिष्ठ नेता शेरबहादुर देउवाले समर्थन गरेका थिए । त्यसपछि केन्द्रीय समितिका सबै सदस्यले ताली बजाएर उक्त प्रस्तावको स्वागत गरे ।

सहमतिको सरकार गठनका लागि सरकारको नेतृत्वकर्ताको नाम प्रस्ताव गर्न राष्ट्रपतिले दोस्रो पटक तोकेको समयसीमा सकिनु एक दिन अघि कांग्रेसले आफ्ना तर्फबाट उम्मेदवारको नाम घोषणा गरेको हो । १९ मंसीरमा भएको तीन दलको बैठकमा एकीकृत माओवादी र एमालेले पनि कांग्रेससँग भावी प्रधानमन्त्रीको नाम मागेका थिए ।

आजै प्रमुख राजनीतिक दलहरुबीच छलफल गरी प्रधानमन्त्रीको साझा उम्मेदवार तय गर्ने दलहरुले बताएका छन् ।

कांग्रेस सभापति कोइराला प्रधानमन्त्रीका उम्मेद्वार

प्रमुख दलहरूको संयुक्त बैठकमा एमाओवादी र एमालेले उम्मेद्वार प्रस्तुत गर्न आग्रह गरेको भोलिपल्ट नेपाली कांग्रेसले पार्टी सभापति सुशील कोइरालालाई प्रधानमन्त्रीको उम्मेद्वार बनाउने निर्णय गरेको छ ।

कांग्रेस पदाधिकारी तथा राजधानीमा उपलब्ध केन्द्रीय सदस्यहरूको २० मंसीरमा बसेको बैठकले कोइरालालाई उम्मेदवार बनाउने निर्णय गरेको हो । औपचारिक निर्णयका लागि आजै केन्द्रीय समिति बैठक बस्न लागेको कांग्रेस उपसभापति रामचन्द्र पौडेलले जानकारी दिए । बैठकमा कोइरालाको नाम पौडेलले प्रस्ताव गर्ने र वरिष्ठ नेता शेरबहादुर देउवाले समर्थन गर्ने भएका छन् ।

राष्ट्रपति डा. रामवरण यादवले सहमतीय सरकार गठनका थप गरेको म्याद सकिन एक दिन बाँकी छँदा कांग्रेसले पार्टी सभापतिलाई अघि सार्ने निर्णय गरेको हो ।

प्रतिकृया दिनुहोस