अख्तियार दुरुपयोग अनुसन्धान आयोगले बरिष्ठ पत्रकार कनकमणि दीक्षितलाई गैरकानूनी रुपमा थुनामा राखिएको भन्दै त्यस विरुद्ध सर्वाेच्च अदालतमा बन्दी प्रत्यक्षीकरणको रीट दर्ता भएको छ ।

पत्रकार दीक्षितकी पत्नी शान्ता दीक्षितले गैरकानूनी रुपमा थुनामा राखिएकोमा रिहाइको माग गर्दै आज १५ वैशाखमा रीट दर्ता गरेकी हुन् । दीक्षितलाई १० वैशाखमा अख्तियारले उजुरी र आरोपबारे जानकारी नदिई नियन्त्रणमा लिएर हिरासतमा राखेको छ ।

हिरासतमा राख्नुको कारण र आधारबारे केही नखुलाइएकाले त्यस विरुद्ध रीट दायर भएको हो । १२ वैशाखमा विशेष अदालतले अनुसन्धानका लागि म्याद थप गरेको भएपनि आधार र कारणबारे केही नखुलाइएको भन्दै विशेषलाई समेत विपक्षी बनाएर रीट दायर भएको हो ।

रीट उपर सर्वाेच्चमा भोलि, १६ वैशाखमा सुनुवाई हुनेछ ।

प्रतिकृया दिनुहोस