स्व. थापाकी श्रीमति लक्ष्मी छोराका साथमा

नेपाल पत्रकार महासंघको सक्रियता तथा एड्भोकेसी फोरमको कानूनी सहयोगमा पत्रकार थापाकी श्रीमती लक्ष्मीले २७ मंसीरमा  रिट दायर गरेकी हुन् । रिटमा जिल्ला प्रहरी कार्यालय दैलेख र जिल्ला सरकारी वकिलको कार्यालय दैलेखलाई विपक्षी बनाइएको छ ।

थापा परिवारले हत्याराहरुमाथि कार्वाहीको माग गर्दै ५ भदौ २०६५ मा प्रहरी कार्यालय दैलेखमा जाहेरी दर्ता गराएका थिए । तर, ४ बर्षसम्म प्रहरीले अनुसन्धान अगाडि नबढाएपछि अदालतको ढोका ढक्ढकाउन बाध्य भएको स्व. थापाकी श्रीमती लक्ष्मीले बताइन् ।

रिटमा तत्काल प्रभावकारी अनुसन्धान गरी दोषी देखिएका व्यक्तिहरुमाथि मुद्दा चलाउन तथा पीडित परिवारलाई परिपूरण र प्रभावकारी उपचारअन्र्तगत प्राप्त गर्ने हक प्रदान गर्न परमादेशको आदेश जारी गर्न माग गरिएको छ ।

किटानी जाहेरी दर्ता गरेपनि प्रहरीले मुद्दाको अनुसन्धान अधिकृत नतोक्नुका साथै विपक्षी सरकारी वकिल कार्यालयलाई जानकारी नदिएको, सरकारी वकिल कार्यालयले पनि यस सम्बन्धमा कुनै चासो नलिएको र अहिलेपनि अभियुक्तहरु प्रहरी कार्यालयको वरिपरी खुल्लेआम घुमफिर गरिरहेको अधिवक्ता एवं एड्भोकेसी फोरमका मध्यपश्चिम संयोजक बसन्त गौतमले बताए ।

१२ असार २०६१ मा माओवादी कार्यकर्ताको अपहरणमा परेका पत्रकार थापाको चरम यातनापछि २७ साउन २०६१ मा हत्या भएको थियो । डेकेन्द्रको हत्यामा संलग्न भन्दै दैलेख कट्टि–१ का बमबहादुर खड्का, लछिराम घर्ति, छिउडी पुसाकोटका केशव खड्का लगायतविरुद्ध पीडित परिवारले किटानी जाहेरी दिइसकेको छ ।

प्रतिकृया दिनुहोस