सञ्जीव शर्मा

“केयर टेकर (काम चलाउ) सरकारले नयाँ मन्त्रीहरुलाई सपथ ख्वाउनै मिल्दैन, यस्तो नहुने कुरा पनि गर्ने हो,” नेता नेपालले भने, “सहमतिको सरकार बनाउने वर्तमान मन्त्रीको ‘पोर्टफोलियो’ परिवर्तन गरेजस्तो हो र ?”

३ पुस साँझ हिमालखबरसँग कुरा गर्दै नेता नेपालले एमाओवादीले निर्वाचन नै नचाहेको कि भन्ने आशंका व्यक्त गरे । २ पुस बिहानको छलफलमा सहमतिको नजिक पुगिएकोमा पछि एमाओवादीले आफ्नो अडान फेर्दा आफूलाई आश्चर्य लागेको उनले बताए ।

नेता नेपालले एमाओवादीले माघमा गर्ने पार्टी अधिवेशनसम्म जसरी पनि सरकारको आयु लम्बाउन खोजेको भन्दै अझै पनि सहमतिका लागि वार्ता भने जारी रहने बताए । उनले थपे,“ भट्टराईजीको अडानले मुलुकलाई थप जटिलतामा लगेको छ ।”

प्रधानमन्त्री भट्टराईलाई सरकार छोड्नका लागि मनाउन उनलाई जिम्मा लगाएको भन्ने सन्दर्भमा नेता नेपालले प्रतिक्रिया दिए, “मैले भनेको मान्नु प¥यो नी, मैले उहाँलाई हरतरहले संझाए तर, उहाँ आफ्नै जिद्दीमा हुनुहुन्छ ।” अँझै पनि प्रधानमन्त्री भट्टराईलाई सहमतिका लागि बाधक नबन्न आग्रंह गर्ने उनको भनाई थियो ।

बाहिरबाट अध्यक्ष पुष्पकमल दाहालले लचकता प्रदर्शन गरेको तर उपाध्यक्ष एवम् उपप्रधानमन्त्री बाबुराम भट्टराईको अडानले सहमति नबनेको देखिए पनि वास्तविकता भने ठम्याउन गाह्रो भएको नेपालको भनाई छ । “अध्यक्ष र उपाध्यक्षको कुरा नमिलेको हो कि, चुनावै नचाहेको कि, उहाँहरुको पार्टीको नीति नै यस्तै हो कि,” नेता नेपालले भने । उनले थपे, “अहिलेको सहमतिको बाधक एमाओवादी नै हो, उहाँहरुले मुलकको दिर्घकालिन हितका लागि लचकता देखाउनै पर्छ ।”

प्रतिकृया दिनुहोस