प्रधानमन्त्रीका स्वकीय सचिव विश्वदिप पाण्डेका अनुसार सन्देशमा संविधान संशोधन, संवैधानिक आयोगमा नियुक्ति, आयोगहरुको गठनलगायतका काम वर्तमान सरकारले नै गर्ने गरी सहमति गरेपछि दुई चरणमा सहमतिको सरकार गठन गर्ने भन्ने छ ।

कांग्रेसका दोस्रो पुस्ताका नेतामार्फत पठाइएको भनिएको उक्त सन्देशमा पहिलो चरणमा वर्तमान सरकारमा नै नेपाली कांग्रेस, एमालेलगायतका दलहरु सहभागी भई सहमतिको स्वरुप दिने र दोस्रो चरणमा चुनावका वेला सरकारको नेतृत्व कांग्रेसलाई दिने उल्लेख छ । सन्देशमा यदि उक्त प्रस्तावमा सहमति नहुने हो भने मधेशी मोर्चा वा साना दल वा राजनीतिक पृष्ठभूमि भएका कोही स्वतन्त्र व्यक्तिको नेतृत्वमा सहमतिको सरकार गठन गर्ने भन्ने भट्टराईको पुरानै अडान दोहोरिएको छ ।

कांग्रेसका दोस्रो पुस्ताका नेता मार्फत प्रस्ताव पठाइएको भनिए पनि नेताको नाम खुलाइएको छैन । यससम्बन्धमा सभापति कोइरालाका स्वकीय सचिव लक्ष्मण ढकालले त्यस्तो प्रस्ताव आएको बारे अहिलेसम्म आफूलाई थाहा नभएको बताए । कोइरालाका प्रेस सल्लाहकार विपुल पोखरेलले भने यस्तो प्रस्ताव पहिले पनि विभिन्न नेताहरु मार्फत आउने गरेकोले नयाँ कुरा नभएको बताए । उनले थपे, “अहिले हामी एउटा कार्यक्रममा छौं, त्यस्तो प्रस्ताव आज फेरि आएको थाहा छैन ।”

प्रतिकृया दिनुहोस