सन् १९३३ देखि प्रकाशन शुरु गरेको ‘न्यूजवीक’ अब ‘न्यूजवीक ग्लोबल’ का नामबाट डिजिटल संस्करण (इन्टरनेट) मा मात्रै प्रकाशन हुने उक्त पत्रिकाकी सम्पादक टिना ब्राउनले बताएकी छन् ।  ‘न्यूजवीक’ को अंतिम संस्करणको कभर पेजमा ‘लास्ट प्र्रिण्ट इस्यु’ लेखिएको छ । जसमा मिडटाउन म्यानहट्टनस्थित पत्रिकाको पुरानो कार्यालय भवनको श्यामश्वेत तस्बीर प्रकाशित गरिएको छ ।

सम्पादक ब्राउनले वक्तव्य जारी गर्दै पत्रिकाको डिजिटल संस्करण ‘ जनबरीको पहिलो हप्ता तपाईंको आइप्याड र फोनमा जारी हुनेछ’ भनेकी छन् । पत्रिकाको छापा संस्करण बन्द हुने अक्टुबर महिनामै घोषणा गरिएको थियो ।

विकसित मुलुकहरुमा इन्टरनेटको बढ्दो प्रयोगले पत्रिकाको छापा संस्करणलाई आर्थिक समस्या झेल्नु परिरहेको छ । पछिल्लो समयमा विज्ञापनदाताहरुले इन्टरनेट संस्करणका लागिमात्रै विज्ञापन उपलब्ध गराउन थालेपछि धेरै पत्रिकाहरु बन्द भइसकेका छन् ।
एजेन्सी

प्रतिकृया दिनुहोस