राष्ट्रपति यादवसँग १३ पुस बिहान भारतीय जनता पार्टीका अध्यक्ष नितिन गडकरी, विदेश विभाग प्रमुख विजय जोली, काग्रेस आईका प्रवक्ता अभिषेक मनु सिंघवीले भेटवार्ता गरेका छन् । भेटका क्रममा सबै जसो नेताहरुले नेपालको राजनीतिक संकट र निकासका सम्भावनाबारेमा चासो ब्यक्त गरेका छन् ।

भेटपछि कांग्रेस प्रवक्ता सिंघवीले नेपालको राजनीतिक अवस्थाका बारेमा छलफल भएको जानकारी दिदै राष्ट्रपति डा यादवले आफू फर्किएपछि मुलुकले निकास पाउने विश्वास ब्यक्त गरेको बताए । भाजपा अध्यक्ष गडकरीले नेपालमा जारी राजनीतिक गतिरोधको विषयमा छलफल भएको भन्दै आफूहरु नेपालमा दलहरुको सहमति भएको खबरका लागि आतुर रहेको बताए । उनले नेपालमा सहमतिमा निर्वाचन र लोकतन्त्र अघि बढ्नु पर्ने भन्दै सहमतिको लागि राष्ट्रपतिले चालेको कदमको प्रशंसा गरेका थिए ।

प्रतिकृया दिनुहोस