प्रधानमन्त्री भट्टराईले राजधानीमा आयोजित एक कार्यक्रममा पत्रकार थापाको हत्याका अभियुक्तहरू पक्राउ परेकोमा सरकारको असहमति रहेको भन्ने धारणासम्बन्धमा कानुन व्यावसायीहरूले यस्तो प्रतिक्रिया जनाएका हुन ।  नेपाल बार एसोसियसनका अध्यक्ष प्रेमबहादुर खड्का सरकार आफै वादी रहेको मुद्दामा मुलुकको कार्यकारी प्रमुखको यस्तो धारणा आउनुमा हत्या अनुसन्धान प्रभावित पार्ने मनशाय लुकेको बताउँछन् । खड्काले हिमालखबरसँग भने, “अनुसन्धान भईरहेको मुद्दाको विषयमा यस्तो धारणा आउनु कानुन मान्दिन भन्नु हो ।”

अधिवक्ता टीकाराम भट्टराई प्रधानमन्त्रीको भनाईलाई संविधान, फौजदारी न्याय र मुलुकमा भईरहेको कानुनी अभ्यास विपरीत भन्न रुचाउँछन् । प्रधानमन्त्रीको धारणाले दण्डहिनतालाई खुला प्रश्रय दिएको उनको ठहर छ ।

यसैबीच नेपाल पत्रकार महासंघका अध्यक्ष शिव गाउँले प्रधानमन्त्रीले कानुन व्यवस्थालाई निस्क्रिय बनाउने प्रयास गरेको बताउँछन् । गाउँले भन्छन्, “यस्तो धारणा आउनु पनि घटना जत्तिकै ठूलो अपराध हो ।”

प्रतिकृया दिनुहोस