पश्चिम चितवनको शुक्रनगरस्थित जनज्योति पद्मनारायण धर्मकुमारी मल्ल उच्चमाविको स्वर्णजयन्ती समारोहको २५ पुसमा उद्घाटन गर्दै उनले दलहरुबीचमा सहमति गरी संविधानसभाको चुनाव गर्नुपर्ने बताए । उनले भने, “राजधानी फर्केपछि विघटित संविधानसभामा प्रतिनिधित्व गरेका सबै दललाई बोलाएर निकासका लागि छलफल गर्ने छु ।”

देशमा भएको परिवर्तन संस्थागत हुन नसकेकोमा दुःख व्यक्त गर्दै उनले थपे , “सबै परिवर्तनका लागि देशवासीले साथ दिए तर लोकतन्त्र र गणतन्त्र राम्रोसँग फल्न सकिरहेका छैन ।” नेपालको परिवर्तनका लागि भएका आन्दोलनमा बिपी, गणेशमान, पुष्पलाल र मनमोहनको भूमिका उल्लेखनीय रहेको भन्दै उनले सबै एकजुट भएर उपलब्धिको रक्षा गर्नुपर्र्नेमा जोड दिए ।

राष्ट्रपति यादवले आफ्नो काम संविधानको रक्षा गर्ने भएको भन्दै सबै जाति र धर्मको रक्षाका लागि समेत आफू प्रतिबद्ध रहेको बताएका थिए । रासस

प्रतिकृया दिनुहोस