अध्यक्ष थापाले २८ पुसमा गृह जिल्ला धनकुटामा पत्रकारसँग कुरा गर्दै प्रधानमन्त्री बाबुराम भट्टराईले जघन्य र पासविक हत्याको अपराधलाई लडाईको बेला भएको घट्ना भन्दै छानविन कार्यमा अवरोध पुर्‍याउनुले उनी दया–माया नभएका मानिस भएको टिप्पणी गरेका हुन् । दैलेखका पत्रकार डेकेन्द्रराज थापाको हत्या अनुसन्धानमा अवरोध गर्नु प्रधानमन्त्री भट्टराई र एमाओबादीको सत्ताकब्जा गर्ने घोषित नीतिकै परिणाम भएको थापाको भनाई थियो ।

उनले प्रधानमन्त्री भट्टराईलाई ‘चिसो मान्छे’ को संज्ञा दिँदै हत्याराहरुका पक्षमा ‘डिफेन्स’ लिएर प्रधानमन्त्रीले कानूनको बर्खिलाप गरेको समेत बताए । पत्रकार हत्याका घट्नामा नेपालका सञ्चार माध्यमहरुले लिएको अडानलाई सहासिक भन्दै उनले प्रशंसा गरेका थिए ।

एकअर्को प्रसंगमा राजनीतिक दलहरु सहमतिमा पुग्न नसकिरहेको बेलामा केही पुरातनबादी शक्तिहरुले राजा फर्काउने हल्ला गरे पनि उनीहरुको सपना पूरा नहुने थापाले बताए । उनले भने, “राजासंस्था फर्किन्छ भन्ने कल्पनासमेत गर्न सकिंदैन ।”

सन्तोष रुचाल, धनकुटा

प्रतिकृया दिनुहोस