१४ माघमा कैलाली जिल्ला सम्मेलन उद्घाटन गर्न धनगढी आएका प्रधानमन्त्रीलाई विपक्षी दलका कार्यकर्ताहरुले कालो झण्डा देखाउनुका साथै उनी चढेको गाडीमा ढुंगा प्रहार गरेका हुन् । मुलुकमा दण्डहिनता बढेको भन्दै प्रधानमन्त्रीको विरोधमा उत्रेका विपक्षीदलहरुले प्रधानमन्त्रीलाई बहिस्कार गर्ने अभियान नै चलाएका छन् । प्रधानमन्त्री आउने भएपछि नेविसंघले कैलाली सदरमुकाम बन्दको आह्वान गरेको थियो ।

विपक्षी दलका युवा कार्यकर्ताहरुले हानेको ढुंगा प्रधानमन्त्री चढेको गाडिको पांग्रामा लागेको र कुनै क्षति भएको छैन ।

प्रधानमन्त्री भट्टराई अध्यक्ष पुष्पकमल दाहाल र उपाध्यक्ष नारायणकाजी श्रेष्ठ सहित आजै पार्टीको बैतडी जिल्ला अधिवेशन उद्घाटन गरेर कैलाली आइपुगेका हुन् । बैतडीमा पनि विपक्षी दलहरुले प्रधानमन्त्रीको पुतला दहन गर्दै कालो झण्डा देखाएका थिए । प्रदर्शनकारी र एमाओवादी कायकर्ताबीच केही बेर तनाव भएको थियो । बैतडीमा प्रधानमन्त्रीको सुरक्षाका लागि सेना परिचालन गरिएको थियो ।

हिंजो १३ माघमा पनि पार्टी जिल्ला अधिवेशन उद्घाटनका लागि रौतहट र महोत्तरी पुगेका भट्टराई सहभागी कार्यक्रम पत्रकारहरुले बहिस्कार गरेका थिए । पत्रकार डेकेन्द्र थापा हत्याका अभियुक्तहरुलाई संरक्षण दिन खोजेको भन्दै देशभरकै पत्रकारहरु आन्दोलित छन् ।

दिर्घराज उपाध्याय, कैलाली

प्रतिकृया दिनुहोस