नेपाल प्रेस युनियन धनकुटाले १४ माघ विहान गरेको पत्रकार भेटघाट कार्यक्रममा वोल्दै नेता कोईरालाले वर्तमान सरकारको नेतृत्वमा कुनै हालतमा निर्वाचन सम्भव नभएको ठोकुवा गरे । उनले संवैधानिक निकायहरुलाई समाप्त गरी सत्ता कब्जा गर्ने रणनीतिमा चलेको भट्टराई सरकारलाई मधेशी मोर्चाले पनि सघाएर राष्ट्रघात गरेको आरोप लगाए ।

उनले राजनीतिक दलहरुबीच एकहप्ताभित्र सहमति नभए मुलुक ठूलो दुर्घटनामा फस्ने भन्दै सत्तापक्षलाई सहमतिमा ल्याउनकै लागि विपक्षी दलहरुले आन्दोलन शुरु गरेको दाबी गरे । सरकारको नेतृत्व गरिरहेका एमाओवादी र मधेशी मोर्चा विपक्षीहरुले गरिरहेको आन्दोलनको प्रतिकारमा उत्रेर जात्रा देखाएको भन्दै सरकार मुठभेडमा उत्रिए त्यसको सशक्त प्रतिकार हुने र सरकार परास्त हुने चेतावनी दिए ।
सन्तोष रुचाल, धनकुटा

प्रतिकृया दिनुहोस