२० माघदेखि मकवानपुरको हेटौंडामा चलिरहेको महाधिवेशनको अन्तिम दिन २६ माघको बन्द सत्रमा महाधिवेशन आयोजक समितिको बैठकले नयाँ केन्द्रीय सदस्यको नामावली टुंगो लगाएपछि अध्यक्ष पुष्पकमल दाहालले सुनाउनेछन् ।

बैठकले यसअघिका केन्द्रीय सदस्यहरुलाई यथावत राखेर ९९ सदस्यीय केन्द्रीय समिति बनाउने प्रचण्डको प्रस्ताव छ । तर, केन्द्रीय सदस्यमा बढुवा हुन चाहने केही आकांक्षीहरुले आफूहरुलाई पनि समावेश गर्नुपर्ने माग राखेपछि आयोजक समिति विवाद मिलाउने प्रयासमा जुटेको छ । पार्टीको पदाधिकारीमा भने करिब करिब कुरा मिलिसकेको नेताहरुको भनाई छ ।

महाधिवेशनले अध्यक्ष दाहालको राजनीतिक प्रतिवेदन २५ माघमै पारित गरिसकेको छ । विपक्षी दलहरुलाई समेत मान्य हुने गरी राजनीतिक सहमतिको नयाँ ‘फर्मुला’ भन्दै दाहालले बहालवाला न्यायाधीशको नेतृत्वमा चुनावी सरकार गठ्न गर्ने प्रस्ताव गरेका छन् । तर विपक्षी दलहरुले भने उनको यो प्रस्तावलाई अस्वीकार गरिसकेका छन् ।

प्रतिकृया दिनुहोस