सहमतिको सरकार गठनका लागि आएका विभिन्न विकल्पमा छलफल गरी ठोस निर्णयका लागि बसेको स्थयी कमिटीको बैठकमा कुनै निष्कर्ष नआएको एमाले सचिब विष्णु पौडेलले हिमालखबरलाई बताएका छन् । उनले भने, “आजको बैठकले भोली केन्द्रीय समितिको बैठक बोलाई निष्कर्षमा पुग्ने निर्णय गरेको छ ।”

यो सँगै चुनावी सरकार गठनका लागि दलहरुबीच आज हुने भनिएको सहमतिको संभावना टरेको छ । आजै राष्ट्रपति कार्यालयमा चार दलका नेताहरुबीच भएको छलफलमा ४ फागुनमा पुनः छलफल गरी सहमतिमा पुग्ने नेताहरुले बताएका छन् । एमालेले एक दिनको समय मागेपछि ४ फागुनमा पुनः राष्ट्रपति कार्यालयमा दलहरुले छलफल गर्नेछन् ।

विशेषगरी प्रधानन्यायाधीशको नेतृत्व स्वीकार्ने वा नगर्ने विषयमा स्थायी कमिटीमा नेताहरुबीच मतभिन्नता भएपछि यो विषय केन्द्रीय कमिटीबाटै निर्णय गर्नुपर्ने सहमति भएको बुझिएको छ ।

प्रतिकृया दिनुहोस