कोइराला निवास महाराजगञ्जमा ५ फागुन बिहान भएको कोइराला र थापाबीचको भेटमा चुनावी सरकारको गठन र दलहरुबीच भइरहेको छलफलको बारेमा कुराकानी भएको कांग्रेस प्रवक्ता दीलेन्द्रप्रसाद बडूले जानकारी दिए ।

अध्यक्ष थापाले चुनावबाटै मुलुकले निकास पाउने भन्दै चाँडो सहमति गर्न आग्रह गरेका छन् ।

चिनियाँ राजदूतसँग पनि भेट
नेपालका लागि चीनका राजदूत योङ हउलान र सभापति कोइरालाबीच पनि आजै भेटवार्ता भएको छ । कोइराला निवासमा बिहान भएको भेटमा दलहरुबीच सरकार गठनको बारेमा भएको छलफलको बारेमा राजदूत हउलानले जिज्ञासा राखेका थिए ।

भेटमा राजदूत हउलानले चुनावबाटै नेपालमा स्थिरता हुनेमा चीन विश्वस्त रहेको जोड दिएको बुझिएको छ । जवाफमा सभापति कोइरालाले दलहरु गम्भीर छलफलमा रहेकोले केहीदिनमै ठोस निस्कर्षमा पुगिने जानकारी गराएका थिए ।

प्रतिकृया दिनुहोस