कुम्भ मेलामा करोडौ‌को भीडमा हराउनेहरु मध्ये नेपालीहरु पनि छन् ।

२९ माघमा कुम्भ मेला भरेर फर्कंदै गरेका ३६ जना यात्रीहरुको रेल्वेस्टेशनमा भएको भागदौडमा परेर मृत्यु भएपछि नेपालबाट मेला भर्नेहरु पनि त्यसमा परे कि भन्ने चिन्ताले उनीहरुका परिवारजनलाई पिरोलेको हो ।

उक्त भागदौडमा च्यापिएर घाइते भएकी रौतहटको सखुअवा धमौराकी ५५ वर्षीया घुर्नी देवीको उपचारका क्रममा गत मङगलबार भारतकै गोरखपुरमा मृत्यु भएको थियो ।

२५ माघमा घरबाट हिडेका बारा गोलागन्जका पाँच जनामध्ये तीन जना अझै पनि घरपरिवारको सम्पर्कमा नआएको परिवारजनले बताएका छन । माघ २९ गते कुम्भ मेलामा नुहाउने क्रममा गोलागन्ज–२ अमरपुरका पाँच जना तिर्थयात्री साथीहरुबाट अलग्गिएका थिए । हराएकामध्ये रामेश्वर महतो र नन्दकिशोर जयसवालकी आमा सम्पर्क आएका छन् भने त्यही गाँउका ५७ वर्षीय राजेन्द्र महतो, उनकी भाउजु ६५ वर्षीया सञ्जलीया देवी र रघुनाथ पटेल अझै पनि बेपत्ता छन् ।

त्यस्तै कुम्भ मेलामा गएका वरियारपुर ७ का १२ जना भन्दा बढी अहिलेसम्म पनि घर नर्फिएको स्थानीय दामोदर सहनीले बताए । कुम्भ मेलामा नेपालबाट पनि हजारौं तिर्थयात्रीहरु त्यसतर्फ जाने गरेका छन् ।
अली असगर, वीरगञ्ज

प्रतिकृया दिनुहोस