प्रधानमन्त्री बाबुरम भट्टराईले प्रधानन्यायाधीश खिलराज रेग्मीको सहमतिमै उनको नेतृत्वमा चुनावी सरकार गठन गर्न लागिएको भन्दै आफू प्रधानन्यायाधीश रेग्मीसँग निरन्तर सम्पर्कमा रहेको बताएका छन् ।

८ फागुनमा गोरखाको थालाजुङस्थित आहल भञ्ज्याङ माविको हिरक जयन्ती समारोहको उद्घाटन गर्दै प्रधानमन्त्री भट्टराइले चुनावी सरकारको नेतृत्व स्वीकार गर्न रेग्मी तयार रहेको बताएका हुन् । भट्टराईले देशलाई राजनीतिक संकटबाट निकास दिन प्रधानन्यायाधीशको नेतृत्व नै एकमात्र विकल्प भएको दाबी समेत गरे । उनले थपे, “अब यो सहमतिबाट पछि हटिंदैन ।”

उनले प्रधानन्यायाधीशको नेतृत्वमा सरकार गठन हुन नसके आफ्नै नेतृत्वको वर्तमान सरकारले चुनाव गराउने बताए । पत्रकारहरुको जिज्ञासामा उनले प्रधानन्यायाधीशको नेतृत्वमा सरकार गठन गर्ने प्रस्ताव विदेशीको नभई एमाओवादीले नै अघिसारेको बताएका थिए ।
युवराज श्रेष्ठ, लमजुङ

प्रतिकृया दिनुहोस