बिहान उज्यालो नहुदै नेपाल तर्फ आउदै गरेका धरान–११ का २१ वर्षीय बिक्रम भुजेल र २६ वर्षीया रीया लिम्बुलाई सशस्त्र प्रहरीले पक्राउ गरेको हो । युवकले दुबै तिघ्रामा र युवतीले पेट र शरीरका अन्य भागमा टेपले टाँसेर लागुऔषध लुकाएका थिए ।

उनीहरुको साथबाट डाइजेपाम, ७५, एभिल ७५ र नोरजेसिक ७५ एम्पुल बरामद भएको छ । भारत जोगवनी बजार निवासी चाची भनिने महिलाको पसलमा बेलुकै गएर बिहान फर्किएको पक्राउ परेका भुजेलले बताए । उनका अनुसार, सो लागुऔषध धरानका शौर्य तामाङ भन्ने ब्यक्तिका लागि लगिएको हो । दुबै जना नशामा लट्ठ अवस्थामा पक्राउ परेका छन् ।

पक्राउ परेकी युवती लिम्बुले भने आफुलाई पुरुष सुरक्षाकर्मीले शरीर तलासी लिएर कुटपिट गरेको बताइन् । महिला सुरक्षाकर्मींले तलासी लिनु पर्नेमा आफुलाई पुरुषले अभद्र ब्यवहार गरेको उनले रुँदै बताइन् । आफु लागुऔषध सेवनकर्ताको अधिकारको क्षेत्रमा काम गरि सकेको बताउदै भक्कानिएकी लिम्बुले महिलाको शरीर तलासी लिन महिला सुरक्षाकर्मी हुनु पर्ने बताएकी थिइन् ।

कमल रिमाल, विराटनगर

प्रतिकृया दिनुहोस