तस्वीरः साझा यातायात

फागुन दोस्रो सातादेखि सञ्चालन गरिने भनिए पनि केही प्रक्रिया पूरा गर्न बाँकी रहेकाले चैत पहिलो सातादेखि बस सञ्चालनमा ल्याइने साझा यातायातले जनाएको छ । साझाका प्रबन्धक महेन्द्रराज पाण्डेले रुट परमिट र गाडी दर्ताको काम बाँकी रहेकाले सबै प्रक्रिया सकेर चैतको पहिलो सातादेखि बस सेवा सुरु गरिने बताए ।

प्रबन्धक पाण्डेका अनुसार हरियो रङ्गका बसमा अहिले डिजाइनिङ र लोगो राख्ने काम भइरहेको छ । साझा यातायातका हरियो रङका १६ वटा अत्याधुनिक बस एक साताअघि काठमाडौँ ल्याइएका हुन् । बस सञ्चालनका लागि आवश्यक दक्ष जनशक्तिको छनोट भइसकेको साझा यतायातले जनाएको छ ।

साझाका अनुसार भारतको टाटा कम्पनीबाट खरिद गरिएको एक बसको भन्सारसहित करिब ३२ लाख रुपैयाँ मूल्य परेको छ । रासस

प्रतिकृया दिनुहोस