२१ फागुनमा कोइरालाले जारी गरेको विज्ञप्तिमा राजीनामा गर्नुका अन्य कारणहरुमा अस्पतालको लेखा परीक्षण गराउन खोज्दा सहयोग नभएको, विश्वविद्यालयले प्रशासनिक कामका फाइलहरु स्वीकृत नगरी रोकेको र अस्पतालकै बरिष्ठ प्राध्यापकहरुले विरामी अन्य अस्पतालमा रेफर गर्न नपाउने नियम नमानेको जस्ता छन् ।

उनले आफूले गरेका राम्रा कामहरुका बारेमा पनि उल्लेख गरेका छन् । विज्ञप्तिमा ६६ करोड रुपैयाँ घाटामा रहेको अस्पताललाई आन्तरिक खर्च धान्ने अवस्थामा ल्याउन सकिएको उल्लेख छ ।

त्यस्तै इमर्जेन्सीबाटै बिरामी फर्काउने र बाहिरका क्लिनकमा रेफर गर्ने प्रबृत्ति रोकेकोेले आम्दानी बढेको, आर्थिक अनियमितता गर्नेलाई कारवाही गरेको र अनावश्यक खर्च कटौति गरेको पनि कोइरालाले बताएका छन् ।

हाजिर गरेर भाग्ने काम रोक्न फिंगर प्रिन्टसहित आएको र गएको समयको हाजिर गर्ने ब्यवस्था मिलाएको पनि उनले बताएका छन् ।

उनले भनेका छन्, “सरकारले पैसा नदिएको कारण देखाउँदै त्रिविले स्थायी कर्मचारीका लागि दिनुपर्ने तलव पनि समय निकासा गरेन । अस्पतालमा आउने सामान्य बिरामीबाट तलव, अन्य संचालन खर्च औषधी तथा उपकरणका लागि पैसा उठाउन सक्ने अबस्था रहेन ।”

उनले अस्पतालले आम्दानीमा केही सुधार गरे पनि त्यो तलव र केही सामान्य दैनिक खर्चका लागि मात्र पर्याप्त भएकोले बिगतदेखि बाँकी रहेको ठूलो आकारको बक्यौता तिर्न सम्बन्धित अधिकारी र सरकारका जिम्मेवार निकायमा कुरा राखेको तर उनीहरुबाट सहयोगको गर्ने आश्वासन पाए पनि ब्यबहारमा लागू नभएको बताएका छन् । उनले अगाडि उल्लेख गरेका छन्, “ सप्लार्यसहरुलाई पैसा नपाए पनि सप्लाई जारी राख भनिरहन सकिन । ”

डा. कोइरालाले आगामी दिनमा शिक्षण अस्पतालभित्रै रहेको मनमोहन कार्डियोलोजी सेन्टरमा निरन्तर सेवा गरिरहने जानकारी गराएका छन् ।

प्रतिकृया दिनुहोस