नेपाल राष्ट्रिय पान व्यवसायी सङ्घको वीरगञ्जमा जारी सम्मेलनलाई २२ फागुनमा सम्बोधन गर्दै फोरम अध्यक्ष यादवले भने, “प्रमुख तीन ठूला दल र मधेशी मोर्चाको सत्ता स्वार्थका कारण मुलुकमा निर्वाचन हुने वातावरण बन्न सकेको छैन ।”

अध्यक्ष यादवले शक्ति सन्तुलनको सिद्धान्त, संवैधानिक व्यवस्था र सङ्क्रमणकालीन राजनीतिक परिस्थिति कुनै पनि दृष्टिकोणबाट बहालवाला प्रधानन्यायाधीशको नेतृत्वमा सरकार गठन गर्नु उपयुक्त हु“दैन् भन्दै स्वतन्त्र, निष्पक्ष र भयरहित वातावरणमा निर्वाचन गराउन पूर्वन्यायाधीश वा स्वतन्त्र व्यक्तिको नेतृत्वमा तटस्थ चुनावी सरकार गठन गर्नु अहिलेको आवश्यकता भएकोमा जोड दिए ।

“मधेशी, दलित, आदिवासी, जनजातिलगायत पिछडिएका वर्ग एवम् समुदायलाई अधिकार सम्पन्न बनाउनका लागि संविधानसभाको नया“ निर्वाचन अपरिहार्य छ,” यादवले भने ।

मुलुकमा विद्यमान संवैधानिक र राजनीतिक सङ्कट समाधानका लागि वर्तमान सरकारको बहिर्गमन र संविधानसभाको नया“ निर्वाचनको घोषणा एक मात्र विकल्प भएको यादवले बताएका थिए ।

रासस

प्रतिकृया दिनुहोस