२५ फागुनमा चितवनमा आयोजित पत्रकार सम्मेलनमा नेता नेपालले एमाओवादीले दलका नेताहरूलाई घुमाइरहेको प्रस्ट भएको दाबी गर्दै एमाओवादीको षडयन्त्रप्रति दलहरू बेलैमा सचेत हुन आग्रह गरे ।

उनले भने, “कुनै कुरा अहिलेसम्म एमाओवादीले सत्य बोलेको छैन, अब पनि विश्वासिलो आधार छैन ।”

प्रधानन्यायाधीशलाई राजीनामा नगराई कार्यकारी प्रमुखको जिम्मेवारी दिन नहुने उनको भनाई छ ।

देशमा सङ्कटकालीन अवस्था आएमा गम्भीर खतरा निम्तिन सक्ने भएकाले पहिले राजीनामा गराएर मात्रै प्रधानन्यायाधीशलाई नेतृत्व दिनु बुद्धिमानी हुने उनको भनाइ थियो ।

सोही पत्रकार भेटघाटका क्रममा बोल्दै नेपाली काँग्रेसका नेता शशाङ्क कोइरालाले राजनीतिक इच्छाशक्ति भए समयमै निर्वाचन हुने बताउँदै एमाओवादीले अहिले खेलवाड गरिरहेको बताए ।

केही दिनअघि नेपाली कांग्रेसका सभापति सुशील कोइरालाले पनि प्रधानन्यायाधीशको नेतृत्वमा चुनावी सरकार गठनको प्रस्ताव एमाओवादीको सत्ता लम्बाउने चाला भएकोले आफूलाई त्यसप्रति विश्वास नभएको बताएका थिए ।

प्रतिकृया दिनुहोस